Жапония құрамасы Испанияны 2:1 есебімен жеңіп, плей-офф кезеңіне өтті, деп хабарлайды El.kz.
Қарсыластар тартысты ойын көрсетіп, алғашқы допты испаниялық Альваро Мората салды. Бірінші таймда есеп сонымен өзгермеді.
Ал екінші тайм жылдам гол соғумен басталып, 48-ші минутта Жапония құрамасы есепті теңестірді.
Арада үш минут өткен соң жапониялық аладоп шеберлері тағы бір гол соғып, жеңісті қолдан бермеді.
Белгілі болғандай, Испанияны тізе бүктірген Жапония бірінші орын алып, 5 желтоқсанда Хорватиямен ойнайды. Ал плей-офқа екінші орынмен шыққан Испания 6 желтоқсан күні Мароккомен кездеседі.