Жаңа жылдық оливье мен «подшубойдан» кейін организмді жеңілдететін уақыт келді және жеңіл өсімдік рационына көшу өте пайдалы, деп хабарлайды El.kz ақпараттық агенттігі.
Көкөністер мен жемістер – асқазан-ішек жолдарының жұмысында, май алмасуын қалыпқа келтіруде және холестеринді ағзадан шығаруда маңызды рөл атқаратын тағамдық талшықтың негізгі жеткізушілері.
Тағамдық талшықтың негізгі функциялары:
• Тазарту. Тағамдық талшықтар губка тәрізді зиянды қосылыстарды (токсиндер, су, ауыр металдардың тұздары, радионуклидтер) сіңіріп, оларды адам денесінің ішкі ортасынан тыс шығаруға бейім.
• Ас қорыту. Тағамдық талшық ішектің қозғалғыштығын жақсартады, бұл ағзаға ыдырау өнімдерінен уақтылы арылуға көмектеседі.
• Иммуномодуляциялау. Талшық ішек микрофлорасын қалпына келтіруге белсенді қатысады, ол иммундық жасушалардың көп үлесі— 80%-дан астамы ішекте орналасқан.
• Зат алмсасуды қалыпқа келтіру. Тағамдық талшықтың арқасында қандағы глюкоза мен «жаман» холестерин деңгейін айтарлықтай төмендетуге болады.
• Артық салмақпен күресу. Тағамдық талшық организмді адам денсаулығы мен өміріне қауіпті жинақтардан ғана емес, сонымен қатар артық липидтер мен қанттардан тазартады, бұл салмақты азайтуға көмектеседі.
• Тәбетті бақылау. Талшық асқазанды ісінген күйде толтыра отырып, адамды ұзақ уақыт ашығу сезімінен айырады.
• Микробиотаға арналған тағам. Тағамдық талшықтар витаминдер, ферменттер, аминқышқылдары, иммуноглобулиндерді синтездейтін бірқатар ішек микроорганизмдері үшін тағамның бір түрі ретінде әрекет етеді.
• Онкологиялық аурулардың профилактикасы. Егер сіз тағамдық талшыққа бай өнімдерді үнемі қолдансаңыз, сіз өзіңізді обырдан, әсіресе ас қорыту ағзаларының обырынан сенімді түрде қорғай аласыз.