Бүгін күндіз еліміз бойынша 3 автокөліктен өрт шығып, ТЖМ қызметкерлерінің қатысуымен жалын сөндірілді, деп хабарлайды El.kz ақпарат агенттігі.
Соңғы уақытта автомобильдердің өртенуі жиілеген. Осылайша бүгін күндіз ғана Жетісу облысында 1, ал елордада 2 жеңіл автокөліктің жануы орын алды. Өрттер сөндірілді. Зардап шеккендер тіркелмеді.
Көбінесе жанғыш материалдардан тұратын автокөлік 4-6 минут ішінде толығымен жанып кетеді.Мұндай өрттен автомобильдің бензинді багының немесе газ баллонының жарылуынан жарақат алмау үшін кем дегенде 10-15 метр қашықтықта болуыңыз шарт.
ТЖМ көлік салонында жұмыс істейтін ұнтақты өрт сөндіргішті ұстауды ескертеді.