Қырғызстанның Ыстықкөлінде катер басып кеткен қазақстандық көз жұмды, деп хабарлайды El.kz ақпарат агенттігі.
24.kg мәліметінше, ер адам ауруханада қайтыс болған. Милиция тергеу жұмыстарын бастады.
Қара ой ауылындағы жағажайда демалып жатқан ер адамды катер басып кеткен. Қайғылы оқиға 15 шілде күні болған. 42 жастағы Қазақстан азаматы ауыр жарақат алып, салдарынан 16 шілде күні жансақтау бөлімінде қайтыс болды.
Өлімнің себептерін сот-медициналық сараптама анықтайды.
Катер иесі 32 жастағы жергілікті тұрғын болған, су көлігін сол кезде 18 жастағы жігіт басқарған.