23 сәуірде Ыстамбұлда жойқын жер сілкінісі болды. Қала әкімшілігі зардап шеккендер туралы ақпарат таратты, деп хабарлайды El.kz ақпарат агенттігі.
Жергілікті БАҚ мәліметінше, магнитудасы 6,2 болатын жер сілкінісі салдарынан 151 адам жарақат алған, қаза тапқандар жоқ.
Даурығып, биіктен секірген 151 азамат ем қабылдауда. Олардың өміріне қауіп төніп тұрған жоқ. Қаза тапқандар жоқ. Қалада тұрғын үйлерге зақым келген жоқ. Тек Фатих ауданында бір қараусыз қалған ғимарат қирады, – деді билік өкілдері Habertürk телеарнасына берген сұхбатында.
Сондай-ақ жер сілкінісінен кейін энергиямен қамту, газ инфрақұрылымы, сумен жабдықтау және кәріз жүйесіне әсер ететін ешқандай теріс салдар тіркелмегені айтылды.