ІІ Елизаветаның немересі, Йорк ханшайымы Евгения 35 жылдық мерейтойында ұлдарымен бірге түскен суретін жариялады, деп хабарлайды El.kz ақпарат агенттігі.
People басылымының мәліметінше, ханшайым туған күнін 23 наурызда төрт жасар Август пен екі жасар Эрнест есімді ұлдарымен атап өткен.
Туған күндегі ең жақсы достар, – деп жазды ол.
Ханшайым Евгения – бүгінде әлеуметтік желілерде белсенділік танытатын британдық корольдік отбасының санаулы мүшелерінің бірі. Ол өз парақшасында жеке, кәсіби және қайырымдылық қызметіне қатысты жаңалықтарды бөліседі.