Қазақстандық теннисші Елена Рыбакина (WTA рейтингінде 4-орын) US Open-де тарихи нәтижеге қол жеткізе алмай, турнирді үшінші айналымда аяқтады, деп хабарлайды El.kz ақпарат агенттігі.
Елена Рыбакина сенсациялық жеңіліске ұшырап, US Open-ді аяқтады.
US Open-2023-те Рыбакина алдымен украиналық Марта Костюкті жеңді (39-шы) — 6:2, 6:1, содан кейін австралиялық Айла Томляновичті (127-ші) ұтты, алайда үшінші айналымда румын теннисшісі Сорана Кырстяға (30-шы) шамасы жетпеді - 3:6, 7:6, 4:6.
Үшінші айналымға қатысқаны үшін Рыбакина 191000 доллар тапты, сонымен қатар 130 рейтингтік ұпай жинады.
Айта кетейік, Елена мансабында әзірге бірде-бір рет АҚШ ашық чемпионатында 1/8 финалға жете алмаған.