Универсиада-2023: Ел қоржынына сегізінші медаль түсті

Кезекті жүлдені биатлоншы Александр Мухин сыйлады

АҚШ-тың Лэйк-Плэсид қаласында өтіп жатқан Универсиадада биатлоншы Александр Мухин ел қоржынына сегізінші медальды әкелді, деп хабарлайды El.kz Sports.kz-ке сілтеме жасап.

Мухин масс-стартта екінші болып, «күмістен» алқа тағынды. Ол жеңіс межесіне 24,8 секунд қалыс қалды. «Алтынды» француз Аксель Гарнье иеленді. Қола жүлде норвегиялық биатлоншы Эрьян Мосенгке бұйырды.

Биатлон. ерлер

Масс-старт. 15 шақырым

1. Аксель Гарнье (Франция) — 39:53.7 (1+0+0+0)
2. Александр Мухин (Қазақстан) — +24.8 (0+2+2+0)
3. Эрьян Мосенг (Норвегия) — +32.3 (0+2+2+1)
4. Кирилл Бауэр (Қазақстан) — +53.6 (0+0+2+0)
5. Вадим Куралес (Қазақстан) — +1:13.5 (0+1+2+1)
6. Бекентай Тұрлыбеков (Қазақстан) — +4:23.5 (1+2+3+1).