Ұлытау облысында ТЖМ қызметкерлері екі адамды құтқарды, деп хабарлайды El.kz ақпарат агенттігі.
ТЖМ мәліметінше, 112 пультіне кеше таңертең Қызылжар кентінен Бетпақ дала жаққа оңтүстік бағытта екі адам көлікпен мал іздеуге шығып, жоғалып кеткені туралы хабарлама келіп түсті.
Іздеу тобы 9 сағаттан кейін Сұркеңгір учаскесінде жоғалған екі адамды тапты. Олар көлікпен балшыққа батып қалған екен. Құтқарушылар көлікті балшықтан сүйреп шығарып, Қызылжар кентіне дейін сүйемелдеді. Оларға медициналық көмек қажет болмады, - делінген мәліметте.