Ұлттық музейде көне жәдігерлер көрмесі ашылды

24 Қазан 2023, 10:42 1239

Елордадағы Ұлттық музейде Республика күніне орай «Мыңжылдықтар тоғысындағы Түркістан» көрмесі ашылды, деп хабарлайды El.kz ақпарат агенттігі.

«Түркістан мыңжылдықтар тоғысында» тақырыбындағы көрме Республика күні және Түркі мемлекеттері ұйымы саммитінің 10 жыл толуына орай ұйымдастырылды.

©El.kz/Арман МҰХАТОВ

Аталған көрме келушілерін ерте кезеңнен бері келе жатқан көне жәдігерлерімен қуантты. Айта кетсек, XIV ғасырға тиесілі тайқазан, қоладан жасалған шамдар, қолжазбалар. Одан қоса, Қожа Ахмет Ясауи кесенесі мен «Әзірет Сұлтан» мұражайының экспонаттары бар.

©El.kz/Арман МҰХАТОВ

Бұл көрме еліміздің ұлттық мерекесі — Республика күні қарсаңында ашылып отыр. Еліміздің елдігі мен мәдени тарихы осындай мұралардан бастау алады. «Мыңжылдықтар тоғысындағы Түркістан» көрмесі — құнды мұраларымызды сақтап, оларды насихаттауды көздейтін іргелі жобалардың бірі, — деді Мәдениет және ақпарат вице-министрі Арман Жүдебаев.

©El.kz/Арман МҰХАТОВ

ҚР Ұлттық музейінде өткен көрмеге Шыңғыс хан заманынан бастап, Қазақ хандығы құрылғаннан бергі түпнұсқа күйінде сақталған 130-ға жуық бұйым қойылды.

©El.kz/Арман МҰХАТОВ

«Мыңжылдықтар тоғысындағы Түркістан» көрмесі үш тарихи бөлімдерге бөлінген. Атап айтқанда, «Тарихы терең Түркістан», «Түркістан — түркі әлемінің рухани орталығы» және «Жошы ұлысынан Қазақ хандығына дейін». Аталған бөлімдердің барлығында еліміздің даму тарихы толық көлемде көрсетілген.

Айта кетейік, тарихымыздан сыр шертетін көрме жұмысы жыл соңына дейін жалғасатын болады.

Равиль Ашығали