16 ақпандағы жағдай бойынша, Түркияда жойқын жер сілкінісінен 36 187 адам қаза тапқан. Бұл туралы ТЖ салдарын жою басқармасынан (AFAD) мәлім етті, деп хабарлайды El.kz ақпараттық агенттігі Анадолы агенттігіне сілтеме жасап.
AFAD мәліметінше, Кахраманмараштағы екі зілзаладан кейін 4 323 афтершок тіркелген.
Түркия провинцияларында 108 068 адам зардап шегіп, 216 347 адам эвакуацияланды.
Іздеу-құтқару жұмыстарына Түркиядан 29 944 құтқарушы және басқа елдерден 11 488 адам тартылды.
AFAD, полиция, жандармерия, Ұлттық қорғаныс министрлігі, Ұлттық медициналық құтқару командасы (UMKE), жедел жәрдем бригадалары, еріктілер, жергілікті қауіпсіздік күштері мен қолдаушы топтарды ескере отырып, апат салдарын жоюға тартылған қызметкерлер саны 253 016 адамға жетті.
Апат болған ауданға 12 мың 513 арнайы техника жеткізілді, соның ішінде эвакуаторлар, крандар, бульдозерлер, жүк көліктері, су таситын көліктер, тіркемелер және тағы басқалар бар.
Дүйсенбі, 6 ақпанда Кахраманмарашта магнитудасы жеті балдан асатын екі жер сілкінісі (жергілікті уақытпен 04.17-де 7,7 балл және 13.24-те 7,6 балл) тіркелді.
Түркия Президенті Режеп Тайып Ердоған елдің оңтүстік-шығысында болған жойқын жер сілкінісіне байланысты жеті күндік ұлттық аза тұту жариялады.
Жойқын зілзала көрші елдерде, соның ішінде Сирия, Ливан, Кипр мен Иракта сезілген.