Белгілі әнші Төреғали Төрәлінің адвокаты Эльнура Кішкенебаева әншіні уайымдап жазған желі қолданушыларына жауап берді, деп хабарлайды El.kz ақпарат агенттігі.
Төреғали ұлдарыңыз бостандыққа шықты. Барша қолдап, қорғаған оқырмандарға алғыс! Бәрі жақсы, уайымдағандарыңыз үшін рақмет айтамын, - деп жазды адвокат TikTok парақшасында.
14 маусымда әлеуметтік желіде белгілі эстрада жұлдызыТөреғали Төрәлінің мас күйінде көлік айдап полицияға түскені туралы видео тарады. 20 тәулікке қамалып, жазасын өтеген соң, 4 шілдеде Алматыда жол ережесін бұзғаны үшін тағы жазаға тартылды.