Қазақстандық танымал актер Тәуекел Мүсілім жақында үшінші баласы дүниеге келетінін айтты, деп хабарлайды El.kz ақпарат агенттігі.
Динара Сәтжанның «Late night show» жобасында Тәуекел мен оның жары Махаббат Мүсілімдер қонақ болды. Бағдарлама барысында Тәуекел Мүсілім қуанышты жаңалығын бөлісіп, үшінші сәбиін күтіп жүргендерін мәлім етті.
Ерлі-зайыпты әзірге сәбидің жынысын білмейтінін, дегенмен қыз болғанын қалайтынын алға тартты.
Бала деген некені берік қылады екен. Үшінші сәбиімізді күтіп жүрміз, бұл туралы ешкімге айтқан жоқ едік. Бастапқыда бір-бірімізге жиі сын тағып жүретінбіз. Оның үстіне Махаббат – солтүстіктен, ал мен оңтүстіктің тумасымын. Қауіпті бұрылыстардан берге өттік. Бірақ сөйлесу керектігін, бірлесіп шешу керектігін білдім. Бес жыл өтті, қазір әлдеқайда жеңіл, - деді Тәуекел.