Жетісуда тәртіп сақшысы қарт кісіге көмектесемін деп көпшіліктің алғысын алды, деп хабарлайды El.kz ақпарат агенттігі.
Полицейдің қайырымды ісі автокөліктің бейнетіркеуішіне түсіп қалған.
ІІМ баспасөз қызметі таратқан кадрларда арбаны итеріп келе жатқан әжей көрінеді. Қораптар жерге құлап, арбаның дөңгелектері қарға батып қалған. Қарт әжейге жолды қауіпсіз кесіп өту үшін патрульдік полицей көмек көрсеткен.
Тәртіп сақшысының бұл әрекеті көпшіліктің көңілінен шығып, жұрт оған алғысын жеткізген.