Иран соты елдің танымал рэпері Тумадж Салехидің 2022 жылғы наразылық шерулерін көпшілік алдында қолдағаны үшін өлім жазасына кесілгенін растады, деп хабарлайды El.kz ақпарат агенттігі.
33 жастағы музыкант екі жыл бұрын қамауға алынған, бірақ рэп орындаушыны өлім жазасына кесу бұдан да үлкен наразылық толқынын тудыруы мүмкін деген қауіптен оның ісі бойынша үкім енді ғана шығып отыр. Салехи 2022 жылғы 18 қарашада кепілмен босатылған, бірақ екі аптадан кейін қайта қамауға алынған.
25 сәуірде Иран революциялық соты рэперді өлім жазасына кескен. Рэпердің адвокаты Амир Райсиан сот үкімі айыпталушыға «оның өкінуі мен билікпен ынтымақтастығы» үшін жазаны жеңілдетуге құқық беретінін айтты.
Салехиге 20 күн ішінде сот үкіміне шағымдану үшін Жоғарғы сотқа жүгіну керек. Айыптау үкімі күшіне енсе, Рақымшылық жасау жөніндегі сот комиссиясы оның жазасын жеңілдету үшін оның ісін қарайды.