Нуар стиліндегі сюрреалды детективтік фильмдердің шебері, аты аңызға айналған америкалық кинорежиссер Дэвид Линч 78 жасында көз жұмды, деп хабарлайды El.kz ақпарат агенттігі.
Ол кеткеннен бері әлемде үңірейген үлкен тесік пайда болды. Бірақ ол өзі айтқандай: "Тесікке емес, бәлішке қараңыз"", - деп жазды оның отбасы Facebook-тегі жазбасында.
Былтыр тамыз айында Линчке көпжылдық темекі шегуге байланысты өкпе эмфиземасы диагнозы қойылды.
Линч американдық кинематографияда ерекше ізін қалдырды. Ол студент шағынан режиссерлік жолын эксперименталды қысқаметражды фильмдер түсіруден бастаған болатын. Оның сюрреальдық алғашқы фильмі "Eraserhead" (1977) – "Өшіргіш бас" болды. Режиссердің бұдан бөлек бәрі білетін алғашқы толықметражды фильмі "The Elephant Man" (1980) – "Піл адам". "Оскар" номинациясына ұсынылған.
Линч төрт рет үйленген және "Көк барқыт" фильмінің жұлдызы Изабелла Росселлинимен ұзақ қарым-қатынаста болған.