Талдықорғанда өрт сөндірушілер тұрғын үйдегі өртті жедел сөндіріп, өрттің пәтерлерге таралуына жол бермеді, деп хабарлайды El.kz ақпарат агенттігі.
Талдықорған қаласының көппәтерлі тұрғын үйлерінің бірінде екінші және үшінші қабатта пәтерлердің балкондары отқа оранды.
Құтқарушылар жануды тез арада сөндіріп, өрттің таралуына жол бермеді. Өртті сөндіру барысында ТЖД қызметкерлері 30 адамды, оның ішінде 7 баланы эвакуациялады. Зардап шеккендер жоқ. Себебі анықталуда, - деді Жетісу облысы ТЖД 1- МӨСБ аға инженері Сәкен Орынбаев.