Қазақстандық боксшы Санатәлі Төлтаев Ташкенттегі әлем чемпионатының үшінші айналымына өте алмады, деп хабарлайды El.kz ақпарат агенттігі.
1/16 финалда Санатәлі (63,5 кг) маврикийлік Ришарно Луи Колинмен кездесіп, қарсыласына жол берді.
Біріншіліктің келесі айналымында 35 жастағы африкалық Өзбекстан атынан өнер көрсететін қазақ Руслан Абдуллаевпен жұдырық түйістіреді.
Бұған дейін 60 кг салмақта Талғат Сырымбетов те жарысты аяқтаған.
Айта кетейік, 1 мамырда басталған әлем чемпионаты 14 мамырда аяқталады. Ұйымдастырушылар біріншілікке 104 елден 600 аса былғары қолғап шебері қатысып жатқанын мәлім етті.
Аталған чемпионатта жеңімпаз атанған спортшыға ІВА 200 мың доллар көлемінде ақшалай сыйақы табыстайды.