Шығыс Қазақстан облысында су тасқынынан зардап шеккен өңірлердегі балаларға жазда тегін демалыс ұйымдастырылмақ, деп хабарлайды El.kz ақпарат агенттігі Kazinform-ға сілтеме жасап.
Өңірдің білім басқармасының мәліметіне қарағанда су тасқынынан зардап шеккен облыстардағы 60-қа жуық бала осы жылдың жаз айларында Шығыс Қазақстандағы демалыс лагерьлеріне тегін жолдама алады.
Арнайы әзірленген бағдарлама олардың жазғы бос уақытын қызықты әрі пайдалы өткізуге, жаңа оқу жылына дейін жақсы әсер алып, көңіл күйін көтеруге мүмкіндік жасайды. Маусым басталмас бұрын қажет болған жағдайда мұғалімдер мен жолбасшылар оқушыларға қолдау көрсету мақсатында психологиялық курстардан өткізеді, - дейді басқарма басшысы Иннеса Чернышева.
Оның айтуынша, мүмкіндік болса демалысқа келетін балалардың саны тағы да арттырылады. Балаларға арналған туристік маршруттар жасалып, өлкенің сұлу жерлері көрсетілмек. Бүгінгі таңда жалпы облыс бойынша 15 лагерь жазғы маусымға дайындалып жатыр.