Петропавлда саңырауқұлақты тамаққа қосқан екі әйел қатты уланып, өлім аузынан қалды, деп хабарлайды El.kz ақпарат агенттігі.
Жексенбі күні Петропавл қалалық көпбейінді ауруханаға саңырауқұлақ жеп, уланды деген диагнозбен 49 жастағы әйел түскен. Жағдайы ауыр қала тұрғыны бірден жансақтау бөліміне жатқызылып, өкпені жасанды желдету аппаратына қосылды. Қазіргі кезде науқастың беті бері қарады.Өздігінен демалғанымен, жансақтау бөлімінен шығарылған жоқ.
Екінші әйел сол күні кешқұрым түскен. Ол терапия бөлімінде ем қабылдап жатыр. Жағдайы ауыр болғанымен, тұрақты.
Мамандар саңырауқұлақты асқа пайдаланғаннан кейін улану белгілері пайда болған жағдайда бірден дәрігердің көмегіне жүгінуге кеңес береді.