"Шымкент-Арыс" пойызының 18 жүк вагоны рельстен шығып кетті

11 Мамыр 2023, 23:16 771

Оқиға "Игілік-Бадам" теміржол учаскесінде болған, деп хабарлайды El.kz ақпараттық агенттігі.

Шымкент қаласы ТЖД мәліметінше, оқиға салдарынан зардап шеккендер жоқ.

Рельстен шығу салдарынан 11 электр желісі бағаны, сонымен қатар теміржол төсемінің кейбір жері зақымдалды. Вагондар рельстен шығып кеткендіктен, аталған станцияда "Алматы-Маңғыстау" бағытындағы №77 жолаушылар пойызы 1 сағат 15 минутқа кешіктірілді, - делінген Шымкент қалалық ТЖД таратқан ақпаратта.

Қазір пойыздар қалыпты режимде жүріп жатыр.

Перизат Саденова
Бөлісу: