Шығыс Қазақстан облысында қар көшкіні жүру қаупіне байланысты жол жабылды, деп хабарлайды El.kz ақпарат агенттігі ШҚО Төтенше жағдайлар департаментіне сілтеме жасап.
Өңірдегі тасжолдардың бірін қар көшкіні жауып қалу қаупі бар.
«Республикалық маңызы бар «Өскемен-Алтай-Үлкен Нарын-Катонқарағай-Рахман қайнары» тасжолының учаскесінде (Ушанов кенті мен Алтай қаласына дейінгі аралықта) көліктің барлық түрі үшін қозғалысқа тыйым салынды. Сондықтан халықты алыс жолға шыққанда маршрутты алдын ала жоспарлап алуды сұраймыз, - делінген ақпаратта.