Шығыс Қазақстан облысы Алтай қаласында КАМАЗ маркалы газ тасығыш жүк көлігі өртенді. Оқиға Северная көшесіндегі газ құю станциясының аумағында болған, деп хабарлайды El.kz ақпарат агенттігі.
Облыстық ТЖД мәліметінше, жүк автомобилінің моторлы бөлігі және кабинасы жанған.
Өрт сөндірушілер жоғары жылу әсері жағдайында жұмыс істеуге арналған арнайы жылу шағылыстырғыш костюмдерді киіп, қауіпсіздік техникасын сақтай отырып, отпен күресіп жатыр. Қызыл жалын оқшауланды.
Өрт орнында өрт сөндіру жедел штабы жұмыс істеуде.