Шығыс Қазақстан облысында ішімдік ішіп шыққан ауыл әкімі жол апатына ұшырады, деп хабарлайды El.kz ақпарат агенттігі.
Оқиға 1 қарашада болған. Алтай ауданындағы ауылдардың бірінің әкімі қызметтік Chevrolet Niva көлігімен ауладағы тұрақта тұрған ВАЗ 21099 көлігіне барып соқтығысқан. Жол-көлік апаты Алтай қаласында болған.
Сот материалы бойынша, тәртіп бұзушы өз кінәсін мойындап, жол апаты кезінде масаң күйде болғанын растады.
Сот жаза ретінде оны 20 тәулікке қамап, 7 жылға көлік басқару құқығынан айырды.