Қуандық Бишімбаеваның бұрынғы әйелі Назым оқиғаға қатысты пікір білдірді, деп хабарлайды El.kz ақпарат агенттігі.
Назым Қуандық Бишімбаев жемқорлық үшін істі болып, 10 жылға сотталған кезінде оның кінәсіз екенін айтып, қолдау білдірген.
Иә, бұл - сұмдық жағдай. Маған жағдайды айтып, хабарласып жатқанда, не болып жатқанын мүлде түсінбедім... Шок болдым", - деді Бишімбаевтың бұрынғы әйелі Tengrinews.kz тілшісіне.
Назым Қуандық Бишімбаевпен 14 жыл бойы ресми некеде болған. Олар 2020 жылы, экс-министр түрмеден шыққанына бір жыл өткеннен кейін ажырасқан. Олардың үш баласы бар.
Біз 2020 жылғы 5 қазаннан бастап ресми түрде ажырасқанбыз, бірге тұрмаймыз. Біз сирек араласатынбыз, онда да тек балалар мәселесі бойынша. Балаларға көмектесіп, араластын, бірақ кейінгі кезде сиреп кетті. Бұл - қайғылы жағдай, Салтанаттың отбасына көңіл айтамын, - деді Қуандықтың бұрынғы әйелі Назым.
Айта кетейік, Астанадағы мейрамханалардың бірінде ер адамның әйелін ұрып өлтіргені туралы ақпарат тарады. Кейіннен күдікті ретінде бұрынғы Ұлттық экономика министрі Қуандық Бишімбаев ұсталды. Алдын ала болжам бойынша, ол әйелі Салтанат Нұкенованы соққыға жығып, дене жарақатынан әйел жедел жәрдем келгенге дейін қайтыс болған.