Төтенше жағдайлар министрі Юрий Ильин 23 қарашада «АрселорМиттал Теміртау» компаниясының Ленин шахтасындағы апатты тексерудің қорытындылары жарияланатынын айтты, деп хабарлайды El.kz
«23 қарашада қорытынды береміз. Біз БАҚ өкілдерін жинап тергеп-тексерудің қорытындысын жариялаймыз. Қазір комиссия жұмыс істеп жатыр», - деді Юрий Ильин Үкімет кулуарында.
Еске сата кетейік, Қарағандыда "АрселорМиттал Теміртау" шахталарының бірінде 5 жұмысшы қаза тапты. Шахтада болған апатқа байланысты Үкіметтік комиссия құрылған болатын.