Семей қаласы әкімдігінің ұйымдастырумен жергілікті тауар өндірушілер мен қаланың көтерме саудагерлерінің қатысуымен әлеуметтік маңызы бар азық-түлік тауарларының жәрмеңкесі өтті. Бұл туралы Semeynews.kz сайтына сілтеме жасай отырып El.kz ақпарат агенттігі хабарлайды.
Жәрмеңкеде Абай облысының 20 азық-түлік өндіруші кәсіпорыны мен көтерме саудамен айналысатын кәсіпкерлер өз өнімдерін ұсынды. Онда жеміс-көкөніс, сүт, азық-түлік және ұн өнімдері бар, олар өндірушілер мен көтерме сауда бағасымен сатылды. Сондай-ақ сатып алушыларға концерттік бағдарламалар, қойылымдар ұсынылды.
Жәрмеңкеге өңірдің бірқатар өнім өндірушісі қатысты.