Ғылым және жоғары білім министрі Саясат Нұрбек ҰБТ-да 140 балл жинаған Жаннұр Еңсебекті құттықтады, деп хабарлайды El.kz ақпарат агенттігі.
Министр өз сөзінде түлектің ата-анасына алғыс білдіріп, оның бұл жетістігіне ұстаздардың рөлі орасан зор екенін атап өтті.
Жаннұрдың ҰБТ-да жоғары көрсеткіш көрсетуі – бұл еңбекқорлықтың, шыдамдылық пен ынтаның нәтижесі. Бұл ретте ата-ананың қолдауы, қамқорлығы мен балаға деген сенімін де айта кету керек. Сондай-ақ мұғалімдердің де кәсібиліктері мен жұмыстарына деген адалдықтарының арқасы. Бұл қуанышты сәт өміріңіздегі жаңа жетістіктер мен жеңістердің бастамасы болсын!» - деді Саясат Нұрбек.
11 жыл үздік оқыған түлек – «Алтын белгіге» үміткер. Ол ҰБТ-ны «Математика-Информатика» комбинациясы бойынша Алматы облысының Есік қаласында тапсырған.
Біз бұған дейін ауыл баласы ҰБТ-да ең жоғары балл жинап, рекорд орнатқаны туралы жаздық.