Ресейдің Владикавказ қаласында "Алания" сауда орталығының 4-қабатында жарылыс болды, деп хабарлайды El.kz ақпарат агенттігі.
Ғимаратта өрт басталды. Shot телеграм-каналының мәліметі бойынша, өрттің ауданы 800 шаршы метрді қамтиды, 9 адам зардап шегіп, сауда орталығында еден жуушы болып қызмет еткен 57 жастағы әйел қаза тапты. Зардап шеккендердің саны өсуі мүмкін. Жарылыс себебі - сауда орталығының төртінші қабатындағы тұрмыстық газдың жарылуы.
Ғимаратта келушілер болған жоқ, өйткені сауда орталығы әлі ашылмаған.