8 шілдеде Батыс Қазақстан облысы Теректі ауданының Алғабас станциясында «Саламатты Қазақстан» пойызының ұжымы өз жұмысын бастады, онда 200-ден астам адам тұрады, деп хабарлайды El.kz ақпарат агенттігі.
Денсаулық пойызының жұмысы ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның, сондай-ақ ҚР Денсаулық сақтау министрлігі мен «Самұрық-Қазына» АҚ-ның бастамасы мен қолдауының арқасында мүмкін болды.
Жылжымалы құрам бригадасының негізгі мақсаты - шалғай аудандар мен ауылдарда тұратын азаматтарға медициналық, психологиялық, құқықтық және медиациялық көмек көрсету және тексеру.
Теректі ауданында білікті мамандар тобы 1 күн бойы жұмыс істейтін болады.
«Саламатты Қазақстан» денсаулық пойызы жұмысының басталуы салтанатты ашылумен атап өтілді. Оған Теректі ауданының әкімі, әйелдер істері және отбасылық-демографиялық саясат жөніндегі аудандық комиссияның белсенді өкілдері қатысты.
Теректі ауданының әкімі А.Мұханбетжанова, медициналық пойыздың бас дәрігері Айнұр Егінбаева және заңгер Айшат Ғаббасова тұрғындарға қандай көмек көрсетілетінін, қызмет көрсету тетігін түсіндірді. Барлық қызметтердің тегін екендігіне назар аударылды. Қажет болған жағдайда мобильді топ та тартылатынын тілге тиек етті.
Сонымен қатар шара қатысушыларына БҚО әкімі жанындағы Әйелдер істері және отбасылық-демографиялық саясат жөніндегі комиссия мүшесі, үкіметтік емес ұйымдарды қолдауға арналған облыстық Азаматтық орталықтың теңтөрағасы, «Әділдік және Өркендеу» қоғамдық қорының төрайымы Әлия Салиева тілегін жеткізді.
Шараға ауыл тұрғындарымен қатар, облыс әкімі аппаратының бас инспекторы, БҚО әкімі жанындағы Әйелдер істері және отбасылық-демографиялық саясат жөніндегі комиссия хатшысы Татьяна Рогозинағ аудан әкімінің орынбасары, аудан әкімі жанындағы Әйелдер істері және отбасылық-демографиялық саясат жөніндегі комиссия төрағасы Қалаубек Темиров, Теректі аудандық орталықтандырылған ауруханасының директоры Дархан Хайрушев, Богданов ауылдық округінің әкімі Аскар Нургалиев, аудандық ардагерлер кеңесінің төрағасы Білікбай Қазиханов, аудан әкімі жанындағы Әйелдер істері және отбасылық-демографиялық саясат жөніндегі комиссия мүшелері Гүлмира Қощанова, Мария Плетяная, аудандық ішкі саясат бөлімі басшысының м.а. Азамат Құспанов, аудандық жастар ресурстық орталығының жетекшісі Нұрсұлтан Қадірғалиев және басқалар қатысты.
Ауыл тұрғындары пойыз қызметкерлеріне күш-жігері мен кәсібилігі үшін, «Саламатты Қазақстан» маңызды жобасына қатысқандары үшін алғыстарын білдірді.
Кездесу алғашқы тексеру және жедел көмек көрсету үшін заманауи жабдықтармен жабдықталған медициналық вагондарға барумен жалғасты.
Мобильді бригаданың жұмыс кестесі сағат 9.00-ден 18.00-ге дейін.