Еліміздің барлық өңірлерінде 1 тамыз - 30 қыркүйек аралығында «Мектепке жол» республикалық қайырымдылық акциясы өтеді, деп хабарлайды El.kz ақпарат агенттігі.
ҚР Оқу-ағарту министрлігі Балалардың құқықтарын қорғау комитетінің төрағасы Насымжан Оспанова ОКҚ алаңында өткен баспасөз конференциясында акцияны өткізу кезеңінде азаматтардың өтініштеріне жедел ден қою үшін білім басқармаларында «жедел желілердің», білім беру ұйымдарындағы қоғамдық қабылдау бөлмелерінің үздіксіз жұмысы ұйымдастырылғанын мәлімдеді.
Акция кезеңінде Балалардың құқықтарын қорғау комитетінде жедел желі (74-25-28) іске қосылды, сондай-ақ «BALA QORǴAÝ» телеграм-чаты ашылды, оған мұқтаж жандарға көмек көрсетуге ниетті немесе көмекті қажет ететін адамдар жүгіне алады», - деді ол.
Сонымен қатар Насымжан Оспанова жалпыға міндетті білім беру қоры аясында мектеп жинақтарын сатып алу үшін ата-аналардың шоттарына 3,4 млрд теңгеден астам қаражат аударылғанын хабарлады.