Қызылорда облысында жыл басынан бері 20 адам суға кетіп қаза болды, деп хабарлайды El.kz ақпарат агенттігі.
Биыл облыстағы су айдындарында 20 адам қаза болды.
Оның 15-і - ересек адам болса, 5-і - балалар.
2022 жылдың осы кезеңімен салыстырғанда мұндай оқиғалар 10% азайған. Былтыр аталған уақытта 22 адам көз жұмды.
Су айдындарында адамдардың қаза болуының негізгі себептері - қауіпсіздік ережелерін өрескел бұзу. Атап айтсақ, азаматтар өзен немесе каналдардың кез-келген, әрі зерттелмеген жерлерге суға түседі. Олардың арасында спирттік ішімдік ішкендері де бар. Сондай-ақ, ересектердің бақылауынсыз балалардың су жағасына баруы байқалып отыр. Кейбір азаматтар суға түсу ережесін білмейді. Енді бірі жүзе алмайды. Балық аулау кезінде қауіпсіздік шараларын сақтамайтындар бар, - дейді облыстық төтенше жағдайлар департаменті баспасөз қызметінің жетекшісі Айгүл Нұрманова.