Қызылорда облысы аумағында жүк пойызының локомотиві өртенді, деп хабарлайды El.kz ақпараттық агенттігі.
«Қазақстан темір жолы» компаниясы өрттің себебін анықтап жатыр.
Осы жылдың 16 мамырында сағат 15:40-та Қызылорда-Жосалы учаскесінде жүк пойызының локомотиві кабинадан шыққан өртке байланысты тоқтады. Оқиға салдарынан ешкім зардап шеккен жоқ. Өрт аудандық өртке қарсы қызмет күшімен жедел түрде өшірілді, - деп атап өтеді «Қазақстан темір жолы» компаниясының баспасөз қызметінен.
Компания мәліметінше, оқиға орнына қосалқы локомотив жіберілген.