Маңғыстау облысындағы іздестіру шараларына аудандық төтенше жағдайлар бөлімінің, аудан, ауыл әкімдігінің қызметкерлері және ерікті жастар, ауыл тұрғындары мен балықшылары және із-түзсіз жоғалған азаматтың туыстары да бар, деп хабарлайды El.kz ақпарат агенттігі.
ТЖМ таратқан мәлімет бойынша, іздестіру-құтқару жұмыстары Сарша жерінің аумағы және Ерсай жағалауына дейінгі аралық қамтылуда. Оған барлығы 60-қа жуық адам, 20-ға жуық техника жұмылдырылды. Олардың ішінде 1 тікұшақ, 10 қайық, жол талғамайтын көлік бар.
Таңғы уақытта Маңғыстау облысының төтенше жағдайлар департаментінің МИ-8 тікұшағы әуеден бақыласа, 7 сүңгуір (водалаз) теңізде іздеу жұмыстарын жүргізуде. Сондай-ақ аталған аумақты дронмен бақылау жұмыстары жалғасып жатыр, - делінген хабарламада.
Еске сала кетейік, бұған дейін Маңғыстауда жоғалған ер адамды алпысқа жуық тұрғын іздестіріп жатқаны туралы жазған болатынбыз.