Қазақстанда Ұлттық ұлан бас қолбасшысының орынбасары Константин Воронкин ұсталды, деп хабарлайды El.kz ақпарат агенттігі.
Ішкі істер министрлігінің мәліметінше, Ұлттық ұлан қолбасшысының орынбасары Воронкин заңсыз әрекет жасады деген күдікпен ұсталған.
Қазіргі уақытта құзырлы органдар Ішкі істер министрлігімен бірлесе отырып, тергеу амалдарын жүргізіп жатыр. Министрлік өз қатарындағы сыбайлас жемқорлықтың кез келген көріністеріне төзбеушілік туралы өзінің принципті ұстанымын білдіреді, осыған байланысты қолданыстағы заңнама шеңберінде объективті және жан-жақты тергеу жүргізілетін болады, - делінген хабарламада.