Қостанайда әйел көпірден секіріп кетпек болды, деп хабарлайды El.kz ақпарат агенттігі.
Жергілікті БАҚ-тың таратқан мәліметіне сәйкес, полицияға тұрғындардан Қостанайдағы Үлкен көпірде бір әйел тұрғаны туралы хабарлама түскен. Оқиға орнына дереу полицейлер мен жедел жәрдем қызметкерлері жеткен.
Қостанай облысы Полиция департаменті 27 мамыр күні кешке Үлкен көпірде 32 жастағы тұрғын тұрғанын айтты. Оны байқаған қала тұрғындары полицияға хабар берген.
Оқиға орнына дереу патрульдік полиция қызметкерлері жеткен. Қостанай қаласының 1990 жылы туған тұрғын полициямен сөйлесуден бас тартқан, өзін агрессивті ұстады. Бірақ соған қарамастан, олар сөйлесіп, оның мұндай әрекетінің себебін анықтап үлгерді, - дейді Қостанай облыстық Полиция департаментінің баспасөз қызметі.