Қостанайда ТЖМ қызметкерлері үш адамды қар құрсауынан құтқарып алды, деп хабарлайды El.kz ақпарат агенттігі.
Қостанай облысында құтқарушылардың көмегі Қарасу ауылынан 10 шақырым жерде қар құрсауында қалған үш азаматқа қажет болды.
ТЖМ қызметкерлері оқиға орнына жедел келіп, жеңіл автокөлікті жолдың тазартылған учаскесіне сүйреп жеткізді. Медициналық көмекке мұқтаж болмаған.
ТЖМ азаматтарға қыс мезгілінде жүру кезінде сақтық шараларын сақтау және жолдардағы ықтимал қолайсыз жағдайларға дайын болу қажеттігін қаперге салып отыр.