Бүгін Ақордада тілшілер Қорғаныс министрі Руслан Жақсылықовтан 9 мамырда Мәскеуде өтетін парадқа қатысу-қатыспауын сұрады, деп хабарлайды El.kz ақпарат агенттігі.
Бүгін Президент Қасым-Жомарт Тоқаевтың Тәжікстан басшысы Эмомали Рахмонмен кездесуінің алдында журналистер осындай сұрақ қойған еді. Журналистер министрден "9 мамырда Мәскеудегі шеруге барасыз ба?” деп сұрады.
Жоқ, - деп қысқа қайырды Жақсылықов.
Ол ертең Президент Қасым-Жомарт Тоқаевтың басшылығымен бүкіл армия кеңесі өтетінін айтты.
Айта кетейік, биыл Қазақстанда ешқандай әскери парад өтпейді.Қорғаныс министрлігі әскери шеру «бюджет үнемдеу негізінде, сондай-ақ басқа мәселелерді шешу қажеттілігіне байланысты» жоспарланбағанын түсіндірді.2022 жылы Қазақстанда да әскери парад өтпеді.