Әл-Фараби атындағы ҚазҰУ-дың шығыстану факультетінің Қытайтану кафедрасының жас ғалымы Арыстанбек Ақылбай Оксфорд университетінен шақырту алды, деп хабарлайды El.kz ақпарат агенттігі.
Ғылым және жоғары білім министрлігіне сілтеме жасап хабарлайды.
Жас ғалым 2025 жылғы қаңтардан бастап Ұлыбританиядағы Оксфорд жаһандық және аймақтық зерттеулер мектебінде "Аймақтану" мамандығы бойынша оқитын болады. Оқуды аяқтағаннан кейін Арыстанбек Оксфорд университетінің қауымдастырылған түлегі мәртебесін алады, - делінген министрліктің хабарламасында.
Бұған дейін Арыстанбек Ақылбай Гарвардқа (АҚШ) шақырту алып, шақырылған ғылыми қызметкер ретінде келісімшарт бойынша жұмыс істеген.