Қазақстанның 27 трлн теңге қарызы бар. Қазақстанның қаржы министрі Мәди Такиев бұл қауіпсіз сома екенін алға тартты, деп хабарлайды El.kz ақпарат агенттігі.
ЖІӨ-ге қатысты 22,8% құрайды. Бізде шектеу бар – 33%. Ол қауіпсіз деп саналады, – деп түсіндірді министр.
Елдің мемлекеттік қарызы дегеніміз не? Қарапайым сөзбен айтқанда, бұл үкіметтің басқа мемлекеттерден, халықаралық ұйымдардан немесе жеке инвесторлардан алған ақшасы және оны болашақта қайтаруы керек. Әдетте Үкімет өз жобаларын қаржыландыру үшін қарызға ақша алады. Сондай-ақ мемлекеттік қарыз бюджет тапшылығын жабу үшін пайдаланылуы мүмкін.