2024 жылы Қазақстанға тұрақты тұруға 29 282 адам келсе, елден кеткендер саны – 12 732 адамды құрады, деп хабарлайды El.kz ақпарат агенттігі.
Ұлттық статистика бюросының дерегінше, көші-қон сальдосы 16 550 адамды құрады. Осылайша, қатарынан екі жыл бойы сыртқы көші-қонның оң сальдосы байқалып келеді.
2023 жылмен салыстырғанда Қазақстанға келгендер саны 15,3% артты.
ТМД-дан келгендердің үлесі 81,6% болса, осы елдерге кеткендердің үлесі 74,8% құрады. Басқа елдердің ішінде көшіп келгендердің көпшілігі Қытайдан, Моңғолиядан және Түркиядан болған, ал басқа елге кеткендердің басым бөлігі Германия, Польша және АҚШ-қа кеткен, - делінген мәліметте.
Шетелден тұрақты тұру үшін келгендер негізінен Алматы қаласын (6 260 адам), сондай-ақ Алматы (4 788) және Маңғыстау (3 680) облыстарын таңдаған.