Биылғы 10 айда елімізге Қытайдан 122 мыңнан астам турист келген. Бұл туралы eQonaq жүйесіне сілтеме жасай отырып El.kz ақпарат агенттігі хабарлайды.
Бұл өткен жылмен салыстырғанда 64%-ға көп, себебі былтыр елімізге 78,5 мың қытайлық саяхаттаған.
Туризм индустриясы комитетінің хабарлауынша, туристер санының айтарлықтай өсуіне 2023 жылы Қазақстан мен Қытай арасындағы өзара визасыз режимнің енгізілуі ықпал еткен. Екі ел азаматтары 30 күн визасыз жүре алады.