2022 жылдың 9 айында шетелде 5,5 миллион қазақстандық турист демалса, сырттан келіп демалғандар саны 3,4 миллион адамды құрады, деп хабарлайды El.kz ақпарат агенттігі.
Мәселен, өткен жылдың 9 айымен салыстырғанда Қазақстанға демалуға келгендер саны 3,6 есеге, шетелге демалуға барған отандастар саны 2,2 есеге өскен.
Ішкі туризм бойынша орналастыру орындарына келушілер саны 25,1%-ға өсті, биылғы тоғыз айдың ішінде олардың саны 4,8 млн адамды құрады.
Келушілерді орналастырумен айналысатын нысандардың саны 3 965 бірлікті құрады, онда 84 416 нөмір бар. Бұл нысандар 5,4 миллион адамға 129 183,2 миллион теңге сомасына қызмет көрсеткен.
Орналастыру орындарымен көрсетілген қызмет көлемі (мейрамхана қызметтерін қоспағанда) өткен жылдың қаңтар-қыркүйек айларымен салыстырғанда (салыстырмалы бағамен) 54,5%-ға өсті.
Айта кетейік, 2022 жылдың қаңтар-қыркүйек айларында курортты аймақтарда 2,4 миллион ішкі турист және 317,2 мың сырттан келген турист демалған.