Париж Олимпиадасында грек-рим күресіндегі қазақстандық балуандардың алғашқы қарсыласы анықталды. Олардың тізімін Спортты дамыту дирекциясы жариялады, деп хабарлайды El.kz ақпарат агенттігі.
60 кг салмақтағы балуандардың 1/8 айналымында отандасымыз Айдос Сұлтанғали қырғызстандық спортшы Жоламан Шаршенбековпен белдеседі. Қазақ балуанының қарсыласы Әлем чемпионатының 2 дүркін алтын, 2 дүркін күміс жүлдегері, Ханчжоудағы Азия ойындарының жеңімпазы, Азияның 3 дүркін чемпионы.
130 кг салмақтағы 1/8 айналымда Ұлттық құрама спортшысы Әлімхан Сыздықов румыниялық Алин Алексук-Чурариумен күреседі. Румыниялық балуан 2022 жылғы Әлем чемпионатының қола жүлдегері.