Қазақстан құрамасының спортшысы Болат Сақаев (86 келіге дейін) Амманда (Иордания) өтіп жатқан Азия чемпионатының финалында жеңіліс тапты, деп хабарлайды El.kz ақпарат агенттігі.
Ақтық сында отандасымыз Иран спортшысы Абольфазл Рахманиге 11:4 есебімен есе жіберді.
Осылайша, Қазақстан құрамасының қоржынында үш медаль бар. Бұған дейін Нұрқожа Қайпанов (74 келіге дейін) алтыннан алқа таққан болатын. Сондай-ақ, Ризабек Айтмұхан (97 келіге дейін) екінші орын алса, Рахат Қалжан (57 келіге дейін) қола медаль иеленген еді.