Жыл сайын 8 қыркүйек Дүниежүзілік физиотерапевт күні ретінде атап өтіледі, бұл қоғамға бастан өткерген операциялардан, жарақаттардан, қозғалу, сөйлеу және басқа да дене функцияларынан айырылуға әкелетін түрлі аурулардан кейін адам денсаулығын қалпына келтірудегі медициналық оңалтудың негізгі рөлін еске салудың орынды себебі болды, деп хабарлайды Еl.kz ақпарат агенттігі.
ДСМ мәліметінше, қазіргі уақытта денсаулық сақтау жүйесінде 55 оңалту орталығы пациенттерді емдеуге қабылдайды, бірақ өткен жылы олардың саны 49 болды.
Соңғы 3 жылда қалпына келтіру және оңалту емі бойынша төсек саны 2 есеге - 2 575 төсектен 4 216 төсекке дейін ұлғайды. Медициналық реабилитолог мамандығы барған сайын танымал бола бастады, елде осындай сертификатталған бір мыңға жуық маман жұмыс істейді.
Реабилитологтар - бұл пациентті тәуелсіз белсенді өмірге қайтаратын, мүгедектікке және өмір бойы күтім жасау қажеттілігіне жол бермейтін мамандар. Науқасты емдеу және қалпына келтіру тәсілін көбінесе оңалтушының жетекшілігімен дәрігерлердің мультәртіптік тобы анықтайды, ол қалпына келтірудің ықтимал мүмкіндіктерін анықтайды, тағайындаулар жасайды және оны денсаулық жағдайын біртіндеп жақсартуға әкеледі.
Елімізде іске асырылып жатқан «Қамқорлық» бастамасы шеңберінде 26 орталық ашылды, оның ішінде 15 оңалту орталығы (ОО) және 11 ерте араласу орталығы (ЕАО).