Қазақстан U-15 құрамасы Talents Cup халықаралық турниріне қатысады. Бұл туралы Қазақстан футбол федерациясының баспасөз қызметіне сілтеме жасай отырып El.kz ақпарат агенттігі хабарлайды.
Жарыс 22 қазан - 26 қазан аралығында Қырғызстан астанасы Бішкек қаласында өтеді.
Турнирде 15 жасқа дейінгі Қазақстан жасөспірімдер құрамасынан бөлек Қырғызстан, Бахрейн және Өзбекстан елдерінің 2010 жылы туған жасөспірімдер құрамалары өнер көрсетеді.
Қазақстан U-15 құрамасы жарыстың әр қатысушысына қарсы бір ойыннан өткізеді.
Ұлттық академияның ойыншылары алдағы турнирге дайындықты Талғардағы ҚФФ құрама командалары базасында өткізіп жатыр.