Бүгін футболдан Қазақстан мен Біріккен Араб Әмірлігі құрамаларының жолдастық кездесуі болады, деп хабарлайды El.kz.
Айта кетейік, қос құрама тарихта төртінші рет кездескелі отыр. Алғашқы екі ойын 1998 жылғы әлем чемпионатына іріктеу аясында өткен. 1997 жылы Абу-Дабиде БАӘ құрамасы Қазақстанды 4:0 есебімен ұтса, Алматыдағы қарымта кездесуде 3:0 есебімен жерлестеріміз жеңіске жетті. 2000 жылы Абу-Дабиде өткен жолдастық кездесуде Қазақстан құрамасы 2:5 есебімен жеңіліп қалды.
БАӘ – Қазақстан мачтының тікелей трансляциясы Астана уақытымен 21:20-да басталады. Ойынды Qazsport телеарнасы тікелей эфирде көрсетеді.