Қаржы пирамидасын ұйымдастырған әйел сотталды

21 Қараша 2022, 15:10 901

Қылмыстық схема жылына теңгедегі салымдар бойынша 24%-ке дейін табыс алу шартымен құрылған

Қарағанды облысында қаржы пирамидасын құру фактісі тоқтатылды, деп хабарлайды El.kz ақпарат агенттігі Қаржлық мониторинг агенттігінің баспасөз қызметіне сілтеме жасап.

Қылмыстық схема жылына теңгедегі салымдар бойынша 24%-ке дейін және шетел валютасында 6%-ке дейін немесе ай сайын 5%-ке дейін жылдық табыс алу шартымен инвестиция тартуға құрылған.

"Яковлева 2015 жылдың наурызынан 2020 жылдың сәуіріне дейін Қарағанды және Павлодар облыстарында "Лидер Капитал 168 микроқаржы ұйымы" ЖШС филиалдарын ашып, оны басқарды. Осылайша, Яковлева И.В. өзінің қылмыстық әрекеттерімен жәбірленушілерге 180 млн.теңге көлемінде материалдық залал келтірген", - делінген қаржлық мониторинг агенттігінің хабарламасында.

Соттың үкімімен Яковлева Ирина Викторовна кінәлі деп танылып, 9 жыл мерзімге бас бостандығынан айыру жазасы тағайындалды.

EL.KZ