Қарақат Әбден видеоны 21 қарашада Facebook желісіне жариялады.
"Мемлекет басшысы Қасым-Жомарт Кемелұлын осы жарыстағы жеңісімен шын жүректен құттықтаймын. Әділ және адал сайлау – еліміздегі демократияның тағы бір көрсеткіші. Ел тізгінінде болу – өте үлкен жауапкершілік. Құрметті жерлестер, бүгінде елдегі бірлік пен келісім оның игілігінің маңызды құрамдас бөлігіне айналды. Сондықтан Қасым-Жомарт Кемелұлына осы жолда таусылмас шабыт пен зор жігер тілеймін!", - деді ол.
«Социс-А» институтының экзит-поллына сәйкес, Қасым-Жомарт Тоқаев 82,02% дауыс жинады.
Айта кетейік, 20 қараш күні Қазақстанда кезектен тыс Президент сайлауы өтті.
Орталық сайлау комиссиясының мәліметі бойынша, кеше, 20-қарашада сағат 22.00-дегі жағдай бойынша республиканың 8 299 501 азаматы бюллетень алды. Ол - тізімге енгізілген азаматтардың 69,43 пайызы деген сөз. Ал 4 өңірде сайлаушылардың 80 пайыздан астамы дауыс берген.
Барлық өңірде 10 033 учаске жұмыс істеді.